Bugun, 5-dekabr kuni, TATU FF akademik litseyida Microsoft kompaniyasida faoliyat yurituvchi va Mastercard’ga xizmat qiluvchi dasturchi, shuningdek, GrantGO va EventGO loyihalarining asoschisi Qudratxo‘ja Musayev bilan o‘quvchilar o‘rtasida uchrashuv tashkil etildi.
Uchrashuv davomida mehmon zamonaviy kasblar, kasb tanlashning muhim jihatlari hamda xalqaro grantlardan foydalanish imkoniyatlari haqida ma’lumot berdi. O‘quvchilar o‘zlarini qiziqtirgan savollariga batafsil javob olish barobarida, kelajakdagi yo‘nalishlarini tanlashda foydali maslahatlarni ham qo‘lga kiritishdi.