14-yanvar – Vatan himoyachilari kuni munosabati bilan TATU Farg‘ona filiali akademik litseyi o‘quvchi yoshlari tomonidan “Mardlar qo‘riqlaydi Vatanni” nomli badiiy bayram tadbiri tashkil etildi.
Tadbirda 2-24-guruh o‘quvchilari o‘zlarining ijodiy chiqishlari bilan qatnashib, sahnada Vatan himoyachilari sha’niga bag‘ishlangan she’rlar, qo‘shiqlar va teatr ko‘rinishlari namoyish etdilar. Bayram dasturida harbiylar hayoti va ularning fidoyiligi aks ettirilgan sahna ko‘rinishlari tomoshabinlarda katta taassurot qoldirdi.
Tadbir davomida o‘quvchi yoshlarga Vatan himoyasi, jasorat va fidoyilik haqida muhim saboqlar berilib, ularning Vatanparvarlik ruhini mustahkamlashga e’tibor qaratildi. Bayramga ko‘tarinki ruh, samimiyat va milliy g‘ururni uyg‘otuvchi chiqishlar alohida mazmun bag‘ishladi.
Bunday tadbirlar yosh avlodni tarbiyalashda, ularda Vatanparvarlik va jasorat tuyg‘ularini mustahkamlashda muhim ahamiyat kasb etadi.