Respublikamiz bo‘ylab Alisher Navoiy va Zahiriddin Muhammad Bobur tavalludiga bag‘ishlangan tadbirlar keng nishonlanmoqda. Ushbu tadbirlar silsilasi bizning litseyimizda ham davom etmoqda.
Bugun 8-24 guruhi o‘quvchilari “Buyuk allomalar avlodimiz” shiori ostida ma’naviy-ma’rifiy tadbir o‘tkazishdi. Tadbir davomida ikki buyuk ajdodimiz – Alisher Navoiy va Zahiriddin Muhammad Boburning hayoti, ijodi va bizga qoldirgan bebaho merosi haqida so‘z yuritildi. O‘quvchilar ularning asarlaridan parchalar o‘qib, go‘zal ruboiylar va g‘azallarni yoddan aytib berishdi.
Mazkur tadbir yoshlarimizni ulug‘ ajdodlarimiz merosiga mehr qo‘yishga, ularning asarlaridan saboq olishga undaydi. Alisher Navoiy va Zahiriddin Muhammad Bobur ijodi nafaqat o‘z davrida, balki bugungi kunda ham o‘z ahamiyatini yo‘qotmagan bo‘lib, ularning hikmatlari yosh avlod uchun doimo ibrat bo‘lib qoladi.