Akademik litseyda sifatli ta’lim jarayonini tashkil etish va innovatsion pedagogik yondashuvlarni joriy etish maqsadida tajribali ustozlar tomonidan turli ochiq darslar o‘tkazilmoqda.
Shu doirada ingliz tili fani o‘qituvchisi Barnoxon Otaqulova 6-24 guruh o‘quvchilari bilan 3-juftlik darsida “Successful People” mavzusida ochiq dars o‘tkazdi. Dars davomida o‘quvchilar dunyodagi mashhur va muvaffaqiyatga erishgan shaxslar hayoti, ularning erishgan yutuqlari haqida suhbat olib bordilar. Zamonaviy interaktiv metodlar asosida tashkil etilgan mashg‘ulot o‘quvchilarning bilim olishga bo‘lgan qiziqishini oshirib, ularning ingliz tilida erkin fikr bildirish ko‘nikmalarini mustahkamladi.
Ochiq dars nafaqat til o‘rganish jarayoniga, balki o‘quvchilarning kelajakda muvaffaqiyat qozonish yo‘lida motivatsiyasini oshirishga ham xizmat qildi.