Bugun, 13-fevral 2025-yil kuni akademik litseyning eng faol ustozlaridan biri, ona tili va adabiyoti fani o‘qituvchisi Xadiyja Parpiyeva tomonidan 9-24-guruh bilan “Saddi Iskandariy” dostoni mavzusida ochiq dars o‘tkazildi. Ushbu dars 3 juftlik mashg‘ulotlari davomida tashkil etilib, Alisher Navoiy ijodining mazkur asari atroflicha tahlil qilindi.
Dars jarayonida talabalarga dostonning mavzusi, asosiy g‘oyalari va badiiy xususiyatlari haqida batafsil ma’lumot berildi. Shuningdek, ochiq darsda interfaol usullar qo‘llanilib, o‘quvchilarning mustaqil fikrlash va asar mazmunini chuqur anglashiga alohida e’tibor qaratildi.
Mazkur ochiq dars Alisher Navoiy merosini yanada chuqur o‘rganish, talabalarning adabiy-badiiy savodxonligini oshirish hamda ularda tanqidiy tafakkurni shakllantirishga xizmat qildi.