Bugun akademik litseyning bir qator iqtidorli o‘quvchi qizlari Farg‘ona viloyati markaziy kutubxonasida bo‘lib o‘tgan “Technovation Girls Uzbekistan 2025” dasturining ochilish marosimida ishtirok etdilar. Ushbu tadbir qizlarni dasturlash, innovatsion yechimlar yaratish va startap loyihalar ishlab chiqishga rag‘batlantirishga qaratilgan.
Dastur davomida ishtirokchilar IT sohasidagi tajribali mentorlar bilan muloqot qilish, ilg‘or texnologiyalar bo‘yicha ma’lumot olish va jamoaviy loyihalar ustida ishlash imkoniyatiga ega bo‘ldilar. Ushbu tashabbus qizlarning texnologik bilim va ko‘nikmalarini rivojlantirishga, shuningdek, ularni global miqyosdagi innovatsion jarayonlarga jalb etishga xizmat qiladi.
Technovation Girls – bu nafaqat dasturlash, balki kelajak yetakchilarini tarbiyalashga yo‘naltirilgan loyiha bo‘lib, qizlar o‘z iqtidorini namoyish etish va IT sohasida o‘z o‘rnini topish imkoniyatiga ega bo‘ladilar.