Farg‘ona davlat texnika universiteti 2-son akademik litseyida 2025-yil 11-iyul kuni “Dolzarb 90 kun” loyihasi doirasida o‘quvchilarning ta’til davridagi bo‘sh vaqtini mazmunli va samarali tashkil etish maqsadida informatika fani o‘qituvchilari tomonidan maxsus to‘garak mashg‘ulotlari o‘tkazildi.
Mazkur mashg‘ulotlarda litsey o‘quvchilari hamda Soy bo‘yi MFY yoshlari ishtirok etib, dasturlash asoslari, sun’iy intellekt (AI) texnologiyalari, va ularning real hayotdagi qo‘llanilishi yuzasidan nazariy va amaliy bilimlarga ega bo‘lishdi.
Mashg‘ulotlar davomida o‘quvchilar kichik loyihalar ustida ishlashdi, Python dasturlash tili bilan tanishishdi hamda AI modellarini yaratish asoslari haqida dastlabki tasavvurga ega bo‘lishdi. Ushbu faoliyat o‘quvchilarni texnologiyaga bo‘lgan qiziqishini oshirib, ularni kelajak kasblariga yo‘naltirishda muhim ahamiyat kasb etdi.