Farg‘ona davlat texnika universiteti 2-son akademik litseyida 2025-yil 14-iyul kuni “Dolzarb 90 kun” loyihasi doirasida o‘quvchilarning hamda Soy bo‘yi MFY yoshlarining ta’til davridagi bo‘sh vaqtlarini mazmunli tashkil etish maqsadida yoshlar yetakchisi N. Dostonova tomonidan “Zakovat” intellektual o‘yini o‘tkazildi.
Ushbu intellektual bellashuv o‘quvchilar o‘rtasida bilim, mantiqiy fikrlash va jamoaviy hamkorlikni kuchaytirish, shuningdek, erkin fikrlash va tezkor qaror qabul qilish ko‘nikmalarini rivojlantirishga qaratildi.
Mazkur tadbir yoshlarda intellektual faoliyatga bo‘lgan qiziqishni oshirib, ularni sog‘lom raqobat va jamoaviy ishlash madaniyatiga yo‘naltirishda muhim omil bo‘ldi.