Farg‘ona davlat texnika universiteti 2-son akademik litseyida 2025-yil 17-iyul kuni o‘quvchilarning hamda Soy bo‘yi MFY yoshlarining ta’til davridagi bo‘sh vaqtlarini mazmunli o‘tkazish maqsadida, “Dolzarb 90 kun” loyihasi doirasida xorijiy tillar kafedrasi o‘qituvchisi N. Yuldasheva tomonidan ingliz tilini o‘rganishga qaratilgan to‘garak mashg‘ulotlari tashkil etildi.
Mazkur to‘garakda ishtirokchilar ingliz tilining asosiy grammatik qoidalari, so‘z boyligini oshirish, og‘zaki va yozma nutq ko‘nikmalarini rivojlantirish bo‘yicha turli interaktiv topshiriqlarni bajardilar. Mashg‘ulot jarayoni suhbatlar, mini-o‘yinlar va guruhiy faoliyatlar asosida jonli va samarali tarzda olib borildi.
Tadbir o‘quvchi-yoshlarda xorijiy tilga bo‘lgan qiziqishni oshirib, ularni global fikrlash va o‘z ustida ishlashga undashda muhim rol o‘ynadi.