Farg‘ona davlat texnika universiteti 2-son akademik litseyida 2025-yil 18-iyul kuni “Dolzarb 90 kun” loyihasi doirasida o‘quvchilarning hamda Soy bo‘yi MFY yoshlarining ta’til davridagi bo‘sh vaqtlarini mazmunli o‘tkazish maqsadida informatika fani o‘qituvchilari tomonidan dasturlash va sun’iy intellekt yo‘nalishida loyihalar ustida ishlashga qaratilgan to‘garak mashg‘ulotlari tashkil etildi.
Mashg‘ulotlar davomida o‘quvchi-yoshlar dasturlash tillarining asoslari bilan tanishdilar, sun’iy intellektning zamonaviy ilovalari haqida ma’lumotlar oldilar va kichik loyiha vazifalari ustida amaliy ish olib bordilar. Ayniqsa, Python dasturlash tili asosida oddiy dasturlar yaratish, ma’lumotlar bilan ishlash va AI modelining elementlarini shakllantirish bo‘yicha mashqlar bajarildi.
Mazkur to‘garak mashg‘ulotlari o‘quvchilarning texnologiyaga bo‘lgan qiziqishini kuchaytirish, ularni innovatsion fikrlashga yo‘naltirish hamda kelajak kasblariga tayyorlashda muhim ahamiyat kasb etdi.