Akademik litsey o‘quvchi-yoshlarining hamda Soy bo‘yi MFY yoshlarining ta’til davrini mazmunli tashkil etish, ularning ilmiy bilim va ko‘nikmalarini rivojlantirish maqsadida, “Dolzarb 90 kun” loyihasi doirasida 2025-yil 19-iyul kuni akademik litseyning fizika fani o‘qituvchisi I. Usmonov tomonidan “Sharl qonunini o‘rganish” mavzusida amaliy fizika bo‘yicha to‘garak mashg‘uloti tashkil etildi.
Mazkur mashg‘ulot davomida o‘quvchilarga gazlarning harorat va hajm orasidagi bog‘liqligini ifodalovchi Sharl qonuni nazariy jihatdan tushuntirildi hamda laboratoriya sharoitida sodda tajribalar orqali amaliyotda namoyish etildi. Ishtirokchilar ilmiy kuzatuv, tahlil va xulosa chiqarish ko‘nikmalarini mustahkamlashga qaratilgan topshiriqlarni bajardilar.