“Sweet Home 3D” dasturi asosida interyer dizayni bo‘yicha to‘garak mashg‘uloti

Farg‘ona davlat texnika universiteti 2-son akademik litseyida joriy yilning 5-avgust kuni o‘quvchilarning hamda Soy bo‘yi MFY yoshlarining ta’til davridagi bo‘sh vaqtlarini mazmunli o‘tkazish maqsadida, “Dolzarb 90 kun” loyihasi doirasida informatika fani o‘qituvchilari tomonidan “Sweet Home 3D — interyer dizayni dasturi bilan ishlash” mavzusida to‘garak mashg‘ulotlari o‘tkazildi.

Ushbu mashg‘ulot davomida o‘quvchi-yoshlar 3D interyer dizayni asoslari, uy rejalashtirish, mebel va jihozlarni joylashtirish, dastur funksiyalari bilan ishlash bo‘yicha nazariy va amaliy bilimlarga ega bo‘ldilar. Dastur orqali yaratilgan loyihalar o‘quvchilarning ijodkorligi va texnik ko‘nikmalarini namoyon etishda muhim vosita bo‘ldi.

Mazkur mashg‘ulot yoshlarda dizayn va texnologiyaga bo‘lgan qiziqishni kuchaytirish, ularni zamonaviy dasturiy ta’minotlar bilan tanishtirishga xizmat qildi.