Bugun, 2024-yil 24-dekabr kuni akademik litseyimizda eng bilimli, iqtidorli va tashabbuskor yoshlarni rag‘batlantirish maqsadida “Akademik litsey iftixori” stipendiyasi bilan mukofotlash tadbiri bo‘lib o‘tdi.
Ushbu stipendiya taʼsis etilishi Prezidentimizning 49/10-sonli qarori ijrosini taʼminlash yo‘lidagi muhim qadamdir. Tadbir davomida mukofotlangan o‘quvchilarimiz o‘zlarining aʼlo darajadagi bilimlari, tashabbuskorligi va g‘ayrat-shijoatlari bilan litseyimizning faxriga aylanganliklarini yana bir bor isbotladilar.
Qadrli stipendiya sovrindorlari, bu yutuqlar sizlarning kelajakdagi muvaffaqiyatlaringiz uchun mustahkam zamin bo‘lishiga ishonamiz. Sizlarni chin yurakdan tabriklab, kelgusi ishlaringizda ulkan muvaffaqiyatlar tilaymiz!
Hurmat bilan,
Akademik litsey maʼmuriyati