9-fevral – buyuk bobokalonimiz, ulug‘ shoir, mutafakkir va davlat arbobi Alisher Navoiy tavallud topgan kun. Har yili ushbu sana yurtimizda keng nishonlanib, Navoiy ijodiga bag‘ishlangan tadbirlar, ma’rifiy uchrashuvlar va adabiy kechalar o‘tkaziladi.
Litseyimizda ham ushbu kunga bag‘ishlangan tadbir bo‘lib o‘tdi. Unda o‘quvchilar Alisher Navoiy hayoti va ijodi haqida ma’lumotlar taqdim etishdi, shoirning go‘zal g‘azallari va ruboiylarini yoddan o‘qishdi. Tadbir davomida buyuk mutafakkirning asarlari hamon yosh avlod uchun ibrat maktabi ekani, uning bebaho merosi bizga insonparvarlik, adolat va komillik sari yo‘l ko‘rsatishini ta’kidlab o‘tildi.
Alisher Navoiy ijodi o‘zbek adabiyoti va madaniyatining bebaho boyligi bo‘lib, u asrlar osha o‘z qadr-qimmatini yo‘qotmay kelmoqda. Uning asarlarini o‘rganish va yosh avlodga yetkazish – har birimizning muqaddas burchimizdir.