“Dolzarb 90 kun” loyihasi doirasida yozgi ta’til davomida FarDTU 2-son akademik litsey o‘quvchilari hamda Soy bo‘yi MFY yoshlari bo‘sh vaqtlarini mazmunli o‘tkazish maqsadida tashkil etilgan “Bir asar tahlili” tadbirlar rejasiga asosan, 2025-yil 16-iyul kuni litseyning ona tili va adabiyoti fani o‘qituvchisi D. Ernazarova tomonidan o‘quvchi-yoshlar o‘rtasida Said Ahmadning “Jimjitlik” asari tahliliga bag‘ishlangan adabiy-ma’rifiy tadbir o‘tkazildi.
Tadbir davomida asar syujeti, bosh g‘oya, obrazlar tahlili hamda yozuvchining badiiy mahorati haqida fikr almashildi. O‘quvchilar asardan olgan taassurotlari, hayotiy saboqlar va qahramonlarning ruhiy kechinmalari yuzasidan o‘z mulohazalarini bildirishdi. Tahlil jarayoni savol-javoblar, muhokama va iqtiboslar orqali interaktiv tarzda o‘tkazildi.