2025-yil 8-avgust kuni Farg‘ona davlat texnika universiteti 2-son akademik litseyida o‘quvchilarning hamda Soy bo‘yi MFY yoshlarining ta’til davridagi bo‘sh vaqtlarini mazmunli o‘tkazish maqsadida, “Dolzarb 90 kun” loyihasi doirasida dasturlash va sun’iy intellekt bo‘yicha loyihalar ustida ishlashga bag‘ishlangan to‘garak mashg‘uloti o‘tkazildi.
Mazkur mashg‘ulot litsey informatika fani o‘qituvchilari tomonidan olib borilib, unda ishtirokchilar Python dasturlash tili, algoritmik fikrlash, sun’iy intellekt modellarini yaratish va ularni amaliy loyihalarda qo‘llash bo‘yicha bilim va ko‘nikmalarini mustahkamlashdi.
Bunday tadbirlar yoshlarning texnologiyaga bo‘lgan qiziqishini oshirish, ularni innovatsion fikrlashga o‘rgatish va kelajakdagi IT sohasidagi faoliyatlariga puxta tayyorgarlik ko‘rishga xizmat qilmoqda.