Farg‘ona davlat texnika universiteti 2-son akademik litseyida 2025-yil 12-iyul kuni o‘quvchilarning va Soy bo‘yi MFY yoshlarining ta’til davridagi bo‘sh vaqtlarini mazmunli o‘tkazish maqsadida, shuningdek, “Dolzarb 90 kun” loyihasi doirasida xorijiy tillar kafedrasi o‘qituvchisi B.Otaqulova tomonidan ingliz tilini o‘rganishga qaratilgan to‘garak mashg‘ulotlari tashkil etildi.
Ushbu to‘garak mashg‘ulotlarida ishtirokchilar ingliz tilidagi asosiy lug‘at boyligini kengaytirish, grammatik bilimlarini mustahkamlash, og‘zaki va yozma nutq ko‘nikmalarini rivojlantirish bo‘yicha turli interaktiv uslublar orqali mashqlar bajarishdi.
Mashg‘ulotlar o‘quvchilarda xorijiy tilga bo‘lgan qiziqishni oshirish, ularni zamonaviy bilim va ko‘nikmalarga ega bo‘lishga undashda muhim rol o‘ynadi.