Farg‘ona davlat texnika universiteti 2-son akademik litseyida 2025-yil 15-iyul kuni o‘quvchilarning hamda Soy bo‘yi MFY yoshlarining ta’til davridagi bo‘sh vaqtlarini mazmunli o‘tkazish maqsadida, “Dolzarb 90 kun” loyihasi doirasida “Kibersport: Counter-Strike 1.6” musobaqasi tashkil etildi.
To‘rt kishilik jamoalar shaklida tashkil etilgan ushbu bellashuvda ishtirokchilar o‘zlarining e’tibor, tezkorlik, jamoaviy strategiya va raqamli savodxonlik ko‘nikmalarini namoyish etdilar. O‘yin davomida yoshlarda sog‘lom raqobat muhitini shakllantirish, mantiqiy fikrlash va muvofiqlashtirilgan harakat qilish qobiliyatlari rivojlandi.
Musobaqa yakunida eng faol va yuqori natijani ko‘rsatgan jamoalar diplom va esdalik sovg‘alari bilan taqdirlandi. Kibersport musobaqasi yoshlarda axborot texnologiyalariga bo‘lgan qiziqishni yanada kuchaytirish va ularni zamonaviy IT muhitiga jalb etishda muhim ahamiyat kasb etdi.