Bugun, 14-fevral kuni akademik litseyda bitiruvchi yoshlarni oliy ta’limga targ‘ib qilish maqsadida tadbir tashkil etildi. 🏢
Mazkur tadbir Milliy tadqiqot yadro universiteti (MIFI) Toshkent filiali mutaxassislari tomonidan o‘tkazildi. Unda bitiruvchilarga universitet taqdim etadigan ta’lim imkoniyatlari, shart-sharoitlar hamda o‘qish jarayoni haqida batafsil ma’lumot berildi.
Tadbir davomida ishtirokchilar oliy ta’lim va kelajakdagi kasbiy yo‘nalishlar bo‘yicha qiziqtirgan savollariga javob olishdi. Bu kabi uchrashuvlar bitiruvchilarning kelgusidagi tanlovini ongli ravishda amalga oshirishiga yordam beradi.