14-yanvar – Vatan himoyachilari kuni munosabati bilan 2025-yil 8-yanvar kuni TATU Farg‘ona filiali akademik litseyida Farg‘ona shahar Mudofaa ishlari bo‘limi bilan hamkorlikda “Mardlar qo‘riqlaydi Vatanni” mavzusida davra suhbati tashkil etildi.
Mazkur tadbirda akademik litsey o‘quvchi yoshlari, ustozlar va Farg‘ona shahar Mudofaa ishlari bo‘limi boshlig‘i Podpolkovnik T. Jalilov hamda uning o‘rinbosari A. Abdullayev ishtirok etishdi. Davra suhbati davomida yosh avlodning vatanparvarlik tuyg‘usini kuchaytirish, milliy g‘urur va fidoyilikni tarbiyalash masalalari muhokama qilindi.
Uchrashuvda harbiy xizmatning ahamiyati, askarlarning mashaqqatli va sharafli vazifalari haqida so‘z yuritilib, yoshlarni vatanparvarlik ruhida tarbiyalashda birlashgan jamiyatning roli alohida ta’kidlandi. Tadbir so‘ngida ishtirokchilar tomonidan qiziqarli savollar berilib, ma’ruzachilar ularga batafsil javoblar taqdim etdilar.
Tadbir ishtirokchilariga alohida minnatdorchilik bildiriladi va bunday uchrashuvlar yoshlarni harbiy-vatanparvarlik ruhida tarbiyalashda muhim ahamiyat kasb etadi.