Bugun, 14-fevral kuni 7-24-guruhi tomonidan ona tili va adabiyoti fani o‘qituvchisi Axronqulova Muhabbat ustoz boshchiligida Zahiriddin Muhammad Bobur tavalludiga bag‘ishlangan ochiq ma’naviyat soati o‘tkazildi.
Dars davomida Boburning hayoti, ijodi va tarixiy merosi haqida ma’lumotlar berildi. Shuningdek, uning adabiy va davlat arbobi sifatidagi faoliyati muhokama qilinib, talabalarning mazkur mavzuga oid bilimlarini mustahkamlashga alohida e’tibor qaratildi.
Mazkur ma’naviyat soati yoshlarning milliy merosga bo‘lgan qiziqishini oshirish hamda buyuk ajdodlarimizning ijodiy faoliyatini chuqur anglashlariga xizmat qildi.