Akademik litseyimizda bahor mavsumiga tayyorgarlik sifatida unumdor yerlar tayyorlanib, “Yashil makon” umummilliy dasturi doirasida ko‘chat ekish ishlari amalga oshirildi. Yerga mehr bilan qadalgan terak qalamchalari bugun niholga aylangan holda oldindan tayyorlangan hududlarga ko‘chirib o‘tqazildi.
Bu xayrli ish nafaqat atrof-muhitni yashil maydonlarga boyitish, balki o‘quvchilarimizda tabiatga e’tibor va g‘amxo‘rlik fazilatlarini shakllantirishga xizmat qiladi. Litseyimiz hududini tobora yashil va go‘zal qilishdan doimo zavq olib, bu jarayonga o‘z hissamizni qo‘shishda davom etamiz.
Tabiatni asrash va obod qilish barchamizning muqaddas burchimizdir.