Hurmatli o‘quvchilar, ustozlar va aziz ota-onalar!
Yangi 2025 yilning ilk daqiqalarida barchangizni samimiy tabriklaymiz! Bu yil akademik litseyimiz uchun yangi imkoniyatlar va yutuqlar davri bo‘lishiga ishonamiz. 2024-yil davomida barchangizning fidokorona mehnatingiz va intilishingiz sababli katta muvaffaqiyatlarga erishdik. Bu esa bizga kelajakda ham yuqori marralarni zabt etishga ishonch beradi.
2025 yil ham litseyimiz hayotida ijobiy o‘zgarishlar, yangi loyihalar va a’lo darajadagi natijalar bilan esda qolsin. Yangi yilda o‘quvchilarimiz bilim olishda yana-da faol bo‘lib, intilishlari orqali o‘z orzulariga erishadilar, ustozlarimiz esa o‘z bilim va tajribalarini avlodga yetkazishda davom etadilar.
Bu yil har bir oila uchun tinchlik va farovonlik, har bir o‘quvchimiz uchun muvaffaqiyat va baxt, har bir ustozimiz uchun esa faxr-iftixor yili bo‘lsin!
Yangi yil barchamiz uchun ulkan imkoniyatlar eshigini ochsin va yuksak marralarga yetaklovchi yo‘l bo‘lsin!
Yangi 2025 yil muborak bo‘lsin!
Akademik litsey jamoasi.