14-yanvar – Vatan himoyachilari kuni munosabati bilan TATU Farg‘ona filiali akademik litseyida o‘quvchi yigitlar o‘rtasida harbiy sport musobaqalari tashkil etildi.
Musobaqalar davomida yoshlar turli harbiy-sport sinovlarida o‘z kuch, mahorat va epchilliklarini namoyish etishdi. Jamoaviy va shaxsiy bahslar orqali o‘quvchilarni jismoniy tayyorgarlik va intizomga rag‘batlantirish, ular orasida vatanparvarlik va birdamlik ruhini mustahkamlashga katta e’tibor qaratildi.
Tadbir so‘ngida faol ishtirokchilar va g‘oliblar maxsus sertifikatlar va esdalik sovg‘alari bilan taqdirlandi. Bu kabi musobaqalar yoshlarning jismoniy salomatligini mustahkamlash bilan bir qatorda, ularning Vatanga muhabbat va fidoyilik hissini kuchaytirishda muhim ahamiyat kasb etadi.
Vatan himoyachilari kuni – jasorat va matonat bayrami!