Bugun, 2025-yil 20-fevral kuni, akademik litseyda ona tili va adabiyoti fani o‘qituvchisi, tajribali pedagog Bashorat Polvonova tomonidan 8-24 guruh o‘quvchilari uchun “Zahiriddin Muhammad Bobur” mavzusida ko‘rgazmali ochiq dars mashg‘uloti tashkil etildi.
Mazkur dars mashg‘uloti davomida o‘quvchilar buyuk shoir, davlat arbobi va tarixchi olim Boburning hayoti va ijodi haqida batafsil ma’lumot oldilar. Ochiq dars jarayonida Boburning “Boburnoma” asari, uning adabiy va tarixiy ahamiyati, shuningdek, she’rlari atroflicha tahlil qilindi.
Darsni yanada qiziqarli o‘tishiga vizual materiallar, interaktiv savol-javoblar va badiiy chiqishlar katta hissa qo‘shdi. O‘quvchilar Boburning ijodi va uning o‘zbek adabiyotidagi o‘rnini chuqurroq anglash imkoniyatiga ega bo‘ldilar.
Bunday dars mashg‘ulotlari yosh avlodning milliy qadriyatlar va adabiyotga bo‘lgan qiziqishini oshirishda muhim ahamiyat kasb etadi.